LPL ක්‍රීඩක කෙටුම්පත් කිරීම අද – කණ්ඩායම් අතරේ ක්‍රීඩකයන් බෙදී යන්නේ මෙහෙමයි!

ලංකා ප්‍රිමියර් ලීග් (LPL) ක්‍රිකට් තරගාවලියේ දෙවැනි අදියරට අදාළ ක්‍රීඩක කෙටුම්පත් කිරීම (Draft) හෙවත් ක්‍රීඩක වෙන්දේසිය අද(9) සිදු කිරීමට නියමිතව තිබෙනවා.

මින් පෙර එම ක්‍රීඩක වෙන්දේසිය පසුගිය 5 වැනිදා සිදු කිරීමට නියමිතව තිබූ නමුත්, එය අද දින දක්වා කල් දැමීමට තරගාවලි සංවිධායකයින් තීරණය කළා. ඒ කණ්ඩායම් කිහිපයක හිමිකරුවන් කළ ඉල්ලීමක් සලකා බැලීමෙන් අනතුරුවය.

ක්‍රීඩක තෝරා ගැනීමේ අවස්ථාව සදහා විදෙස් ක්‍රීඩකයින් 300 දෙනෙකු හා දේශීය ක්‍රීඩකයින් 300 දෙනෙකු ඉදිරිපත් වන ශ්‍රී ලංකා ක්‍රිකට් ආයතනය සදහන් කරනවා.

ඔන්ලයින් ක්‍රමය ඔස්සේ එය පැවැත්වීමට නියමිත බවත්, එම අවස්ථාවට කණ්ඩායම් පහේ හිමිකරුවන් හා ශ්‍රී ලංකා ක්‍රිකට් බළධාරීන් එක් වන බවත් ක්‍රිකට් ආයතනය ප්‍රකාශ කරනවා.

ක්‍රීඩක තෝරා ගැනීම වට 20කින් යුක්ත වන අතර, කාණ්ඩ කිහිපයක් යටතේ ක්‍රීඩකයින් තෝරා ගැනීම සිදු කළ යුතුයි.

Local Icon Player, Overseas Icon Player, Local Diamond Player, Overseas Diamond Player, Local Gold Player, Overseas Gold Player, Local Classic Player, Overseas Classic Player වැනි කාණ්ඩ ද ඊට අයත් අතර, Local Emerging හා Supplementary Local යනුවෙන් ද කාණ්ඩ දෙකක් මෙරට නවක ක්‍රීඩකයින් වෙනුවෙන් වෙන් කර තිබේ.

සංචිතයක් සදහා ක්‍රීඩකයින් 20 දෙනෙකු ඇතුළත් වන අතර, ඊට විදෙස් ක්‍රීඩකයින් 6 දෙනෙකු හා දේශීය ක්‍රීඩකයින් 14 දෙනෙකු ද ඇතුළත් විය යුතුය.

අවශ්‍යනම් පසුගිය වසරේ එම කණ්ඩායම්වලට ක්‍රීඩා කළ ක්‍රීඩකයින් 8 දෙනෙකු (දේශීය 4ක් හා විදේශීය 4ක්) ද සිය සංචිතයේ රදවා ගැනීමට අවසර ලබා දී තිබෙනවා.

ලංකා ප්‍රිමියර් ලීග් තරගාවලියේ දෙවැනි අදියර ලබන දෙසැම්බර් 5 වනදා සිට 23 වනදා දක්වා කොළඹ දී හා හම්බන්තොට දී පැවැත්වීමට නියමිතයි.

Related Articles

Leave a Reply

Your email address will not be published.

Back to top button